EREDIENSTE BY DIE OOSKERK
OGGENDDIENS
09:00 in die kerkgebou
By die oggenddiens plaas ons klem op gasvryheid, eietyds-klassieke musiek en prediking. Die oggendiens gemeenskap is warm en vriendelik. Enige persoon kan hier 'n tuiste vind en ons saam kuier na die diens by die teetuin, is 'n hoogtepunt.
FAMILIEBEDIENING
By Ooskerk is dit vir ons belangrik om ruimtes te skep waar families saam kan aanbid en saam oor God kan leer. Ons weet tog dat niemand van ons alleen op ons geloofsreis is nie, maar dat ons saam met mekaar loop. As dit by die vorming van ons geloof kom, dan dink ons so:
-
Jongmense is volledig deel van die kerk, en die ruimtes waar ons aanbid moet dit weerspieël
-
Ouers is die beste vormers van kinders se geloof en vennote tydens eredienste
-
Oud en jonk kan leer by mekaar oor die lewe, die lewe saam met God
Ons het die volgende ruimtes waarbinne families op Sondae kan kom aanbid:
09:00 in die saal
Die Gesinsdiens is ‘n gemaklike erediens in die saal wat ruimte skep vir ouers en jonger kinders. Dit word gekenmerk deur klassieke begeleiding, eenvoudige liturgie en ‘n deelnemende erediens.
begin 09:00 in die saal
Gedurende die diens kan ouers en voorskoolse kinders wegbreek na Sonskynland vir stories en aktiwiteite wat kleutervriendelik is.
na afloop van die Gesinsdiens in die saal
Die Juniorgroepe vir laerskoolkinders en hul ouers gebruik ‘n aktiwiteitsgebaseerde benadering om meer oor God en die lewe te leer.
LAUDATE
17:45 in die kerkgebou
Hier fokus ons spesifiek op die kontemplatiewe en meditatiewe karakter van die Ooskerk. Die diens maak ruimte vir refleksie oor ‘n Bybelteks en tema, lang stiltes en musiek in die kontemplatiewe styl (met heelwat Taizé liedere) en die weeklikse viering van die Eucharistie.
Sondagaande 18:45 tydens skoolkwartale
in die saal
Vibe is ‘n informele kontemporêre byeenkoms in die saal wat ruimte bied vir alle ouderdomme om God se teenwoordigheid te ervaar en saam te dink en gesels oor die lewe se uitdagings. Daar is geleentheid vir lof en aanbidding, eerlike gesprekke en lekker saamkuier. Dit is ook die ruimte waarbinne ons studente- en hoërskoolgroepe kan bymekaarkom.
AANDDIENS
19:00 in die kerkgebou
Die aanddiens is 'n informele ruimte met
eietyds-klassieke musiek.
Dieselfde tema van die oggenddiens
word tydens die aanddiens herhaal.